चितवनः पूर्वी चितवनको राप्ति नगरपालिका वडा नम्वर २ पिप्लेमा आज दुईवटा मोटरसाईकल एक आपसमा ठक्कर खाँदा एक जनाको मृत्यु भएको छ भने एक जना घाईते भएका छन् । जिल्ला प्रहरी कार्यालय चितवनका अनुसार मृत्यु हुनेमा रत्ननगर नगरपालिका वडा नम्वर १ वस्ने २१ वर्षिय सञ्जय कंडेल रहेका छन् ।
पूर्ववाट पश्चिम तर्फ आउँदै गरेको ना ४० प १५८३ नम्वरको मोटरसाईकल र विपरित दिशावाट जाँदै गरेको ना ३४ प ७१६८ नम्वरको मोटरसाईकल एक आपसमा ठक्कर खाएको थियो । दुर्घटनामा घाईते ना ४० प १५८३ नम्वरको मोटरसाईकल चालक कंडेंलको उपचारका लागि भरतपुर तर्फ ल्याउँदै गर्दा वाटोमानै मृत्यु भएको प्रहरीले जनाएको छ ।
अर्का मोटरसाईकल चालक खैरहनी नगरपालिका वडा नम्वर ६ का ४८ वर्षिय शिवनारायण चौधरी घाईते हुनुभएको छ । चौधरीको पुरानो मेडीकल कलेजमा उपचार भईरहेको छ । अवस्था खतरा मुक्त रहेको र दुवै मोटरसाईकले नियन्त्रणमा रहेको प्रहरीले जनाएको छ ।
