चितवनः कारागार कार्यालय भरतपुरमा आज साँझ एक जना कैदीको मृत्यु भएको छ । मृत्यु हुनेमा वारा जिल्लाको कलैया नगरपालिका घर भएका ५८ वर्षिय भरत वहादुर थापा रहेको कार्यालयका प्रमुख कमल प्रसाद काफ्लेले जानकारी दिनु भयो ।
काफ्लेका अनुसार थापा वि.सं. २०७४ सालमा जवरर्जस्ती करणीको अभियोगमा पक्राउ परेका थिए । थापालाई क्यान्सर रोगको संक्रमण देखिए पछि एक महिना अघि चितवनल पठाईएको थियो ।
यसै विच बाघको आक्रमणमा परी घाइते भएका माडी नगरपालिका वडा नम्वर ६, कल्याणपुरका गंगाधर सुवेदीको निधन भएको छ ।
भरतपुर अस्पतालमा उपचारको क्रममा सुवेदीको आज निधन भएको जिल्ला प्रहरी कार्यालय चितवनले जनाएको छ । उपचारको क्रममा सुवेदीको टाउकोको शल्यक्रिया समेत गरिएको थियो ।
असार ३ गते दिउँसो माडीको सिमरा गाउँ नजिकै काँस घारीमा गाईवस्तु चराउन गएका ६७ वर्षीय सुवेदीलाई बाघले आक्रमण गरेको थियो ।
