काठमाडौंः नेपालमा कोरोना संक्रमितको स.ख्या २९ हजार नजिक पुगेको छ । स्वास्थ्य तथा जनसंख्या मन्त्रालयका अनुसार आज सहित देशभर २८ हजार ९ सय ३८ पुगेको छ ।
नेपालमा पछिल्लो २४ घण्टाको अवधिमा थप ६८१ जनामा कोरोना भाइरस संक्रमण देखिएको छ ।
मन्त्रालयका प्रवक्ता प्रा.डा.जागेश्वर गौतमले देशभरका विभिन्न प्रयोगशालामा गरिएको परीक्षणमा थप ६८१ जनामा कोरोना भाइरस संक्रमण देखिएको जानकारी दिनुभएको हो ।
यीमध्ये ११ हजार ११८ जना सक्रिय संक्रमित छन् । सक्रिय संक्रमितमध्ये ७ हजार ९८७ संस्थागत आइसोलेसनमा रहेका छन् भने ३ हजार १३१ जना होम आइसोलेसनमा रहेका छन् ।
पछिल्लो २४ घण्टाको अवधिमा थप १२० जना कोरोना संक्रमणमुक्त भएर डिस्चार्ज भएका छन् ।
