काठमाडौंः पछिल्लो २४ घण्टामा देशभर नोभेल कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार ४६३ संक्रमित थपिएका हुन् ।
जसमा १०५ महिला छन् भने ३५८ पुरुष रहेको प्रवक्ता गौतमले जानकारी दिएका छन् । शनिबार देशभर ५५४ जनामा कोरोना भाइरस संक्रमण देखिएको थियो ।
देशभरका ७७ वटै जिल्लामा कोरोना भाइरसको संक्रमण फैलिएको छ । कुल कोरोना संक्रमितको संख्या १२ हजार ७७२ नाघेको छ । हालसम्म देशभर कोरोना संक्रमणको उपचारपछि तीन हजार १३ जना डिस्चार्ज भएका छन् । जसमध्ये २५५ महिला रहेका छन् भने दुई हजार ७५८ पुरुष रहेका छन् ।
पछिल्लो २४ घण्टामा देशभरका विभिन्न अस्पतालबाट १७९ डिस्चार्ज भएका छन् । जसमा १३ महिला र १६६ पुरुष रहेका छन् ।
हालसम्म देशभरका २२ प्रयोगशालाबाट पीसीआर परीक्षण भइरहेको छ । देशभर हालसम्म एक लाख हजार जनाको पीसीआर परीक्षण गरिएको छ भने दुई लाख हजार जनाको आरडीटी परीक्षण गरिएको छ । पछिल्लो २४ घण्टामा ४ हजार ९६२ जनाको पीसीआर परीक्षण गरिएको छ ।
देशभरका विभिन्न क्वारेन्टिनमा ६१ हजार ७३१ मानिसहरु रहेका छन् भने आइसोलसनमा ९ हजार ७३१ कोरोना संक्रमितहरु रहेका छन् ।हालसम्म कोरोना संक्रमणबाट मृत्यु हुनेको संख्या २८ पुगेको छ ।
