चितवनः प्राबिधिक शिक्षा तथा व्यवसायीक तालिम परिषद(सिटिईभिटि) जिल्ला कार्यालय भरतपुरलाई कोईका नेपालले ४२ हजार ३ सय ८७ डलर वरावरका सहयोग गरेको छ । कार्यालयका लागि आबश्यक पर्ने बास्केटवल ग्राउण्ड निर्माण देखि एयर कण्डीसन, र विम प्रोजेक्टरका लागि सो सहयोग गरेको हो ।
कोईकाका प्रतिनिधि दयाले निर्माण गरिएको वास्केटवलको उद्घाटन गर्दै सामाग्रीहरु हस्तान्तरण गर्नु भएको हो । दयाले आज यहाँ एक कार्यक्रमका बिच सामाग्री हस्तान्तरण गरिएको सिटिईभिटि शिक्षालय प्रमुख रमन कुमार मेहतालाई सहयोग गरिएका सामानहरुको सुचि हस्तान्तरण गर्नु भएको हो ।
हस्तान्तरण गर्नै दयाले नेपालको शैक्षिक क्षेत्रको बिकासका लागि कोरीया सधै सहयोग गर्ने बताउनु भयो । कोईकाले सो शिक्षालयलाई बिभिन्न समयमा लाईवेरी, स्कुल वस लगाएतका सामाग्री खरीदमा सहयोग गर्दै आएको छ।
हस्तान्तरण कार्यक्रममा बोल्दै प्रमुख मेहताले कोईकाको सहयोगका लागि धन्यवाद दिदै बिद्यालयको अन्य भौतिक संरचनाका लागि पनि सहयोग गर्न आग्रह गर्नु भयो ।
