काठमाडौं । अहिले नेपाल र नेपालीका लागि प्रार्थना गर्ने समय भएको पूर्वराजा ज्ञानेन्द्र शाहले बताएका छन् । सोमबार निर्मल निवासमा आफ्नो ८० औं जन्मदिनको अवसरमा सञ्चारकर्मीहरूसँग कुरा गर्दै उनले नेपाल र नेपालीका लागि प्रार्थना गर्ने समय भएको बताएका हुन् ।
‘अहिले वर्षाको समय हो । बाढी पहिरोको जोखिम छ । पानीजन्य बिमारीहरू पनि हुन्छन् । सबै दाजुभाइ, दिदिबहिनीहरू सतर्क रहनुस् । विचार गरेर बस्नुस्, मेरो आग्रह छ,’ शाहले भने ।
