चितवनः नारायणगढबाट मुग्लिन तर्फ जाँदै गरेको ग्याँस बोकेको बुलेटमा आगलागी भएको छ । जिल्ला प्रहरी कार्यालय चितवनका अनुसार भरतपुर महानगरपालिका वडा नम्बर २९को १५ किलोमा यूपि १७ एटि ८६२७ नम्बरको बुलेटमा आज दिउँसो आगलागी भएको हो ।
बिग्रिएर मर्मतका लागि रोकी राखेको बुलेटमा बाइरिङ् सट भएर आगलागी भएको प्रहरीले जनाएको छ । स्थानीय, नेपाल प्रहरी र दमकलको सहायताले आगो नियन्त्रणमा लिईएको कार्यालयका सूचना अधिकारी नरहरी अधिकारीले जानकारी दिनुभयो । आगलागीबाट बुलेटमा पूर्ण रुपमा क्षती पुगेको छ । क्षतीको बिबरण आउन बाँकी रहेको प्रहरीले जनाएको छ । बुलेटमा ग्याँस रहेको भए पनि आगोले टिप्न नपाएको र सुरक्षीत भएको प्रहरीले जनाएको छ ।
