काठमाडौं, : अब हरेक पुस ११ गते ज्येष्ठ नागरिक दिवस मनाइने भएको छ। मन्त्रिपरिषद बैठकले पुस ११ लाई ज्येष्ठ नागरिक दिवसका रुपमा मनाउने निर्णय गरेको हो।
सरकारका प्रवक्ता एवे सञ्चार तथा सूचना प्रविधि मन्त्री पार्वत गुरुङ, महिला, बालबालिका तथा ज्येष्ठ नागरिक मन्त्रालयको प्रस्तावमा ज्येष्ठ नागरिक दिवस मनाउने निर्णय मन्त्रिपरिषदले गरेको जानकारी दिए।
मन्त्रिपरिषद बैठकले गरेका निर्णय सार्वजनिक गर्दै शुक्रबार मन्त्री गुरुङले जर्मनीको बोनस्थित नेपाली राजदूतावासको घर विक्री गर्ने निर्णय भएको जानकारी दिए। उनले परराष्ट्र मन्त्रालयको प्रस्तावमा सो निर्णय गरिएको बताए। यस्तै परराष्ट्रकै प्रस्तावमा सगरमाथा संवाद गर्ने निर्णय पनि मन्त्रिपरिषद बैठकले गरेको छ।
