चितवनः पबित्र तिर्थस्थल देवघाटमा रहेको रेडियो देवघाटले आफ्नो १० औं बार्षिकोत्सब बिभिन्न कार्यक्रमहरु गरि मनाउने भएको छ । बार्षिकोत्सबका कार्यक्रमबारे आज भरतपुरमा पत्रकार सम्मेलनको आयोजना गरि बार्षिकोत्सब बिशेष कार्यक्रमहरु सार्बजनिक गरेको हो ।
सार्बजनिक गरिएका कार्यक्रम अन्तर्गत पौष २७ गते खुल्ला रक्तदान, २८ गते अन्तरक्रिया, २९ गते आमा समूह स्तरीय हाँजिरी जवाफ प्रतियोगिता र माघ १ गते बृद्धबृद्धाहरुलाई फलफुल बितरण, उत्कृष्ट श्रोतालाई रेडियो तिरण र सम्मान कार्यक्रम रहेका छन् । रेडियोका उपाध्यक्ष बिजयराज शर्मा भुषालका अनुसार देवघाटको महिमा पस्कनका र हिन्दु धर्मको जगेर्ना गर्नका लागि बिभिन्न कार्यक्रम गर्ने छ ।
