सिराहाः कोरोना भाइरस सङ्क्रमित एक पुरुषको अस्पताल लैजाँदै गर्दा बाटोमा नै मृत्यु भएको छ । मृत्यु हुनेमा सुखीपुर नगरपालिका २ का ५५ वर्षीय पुरुष रहेका छन् ।
विराटनगरस्थित नोबेल मेडिकल कलेजको भेन्टिलेटरमा उपचाररत उनलाई थप उपचारका लागि विराट मेडिकल कलेज लगिदै गर्दा आज एम्बुलेन्समै मृत्यु भएको मेडिकल कलेजका आइसोलेसन प्रमुख सुनिल देवले जानकारी दिनुभयो ।
उपचारकै क्रममा गत बिहीबार साँझ ती पुरुषमा कोरोना पुष्टि भएको थियो । योसँगै कोरोनबाट सिरहामा मृत्यु हुनेको सङ्ख्या १४ जना पुगेको छ ।
