हेटौँडाः जिल्ला प्रहरी कार्यालय मकवानपुरले आज ठुलो परिमाणको लागुऔषध गाँजा बरामद गरेको छ । प्रहरीले मकवानपुरको भीमफेदी गाउँपालिका वडा नंबर ९ ढुङ्गेन नजिकै भित्री बाटोको छेउ खोल्सीमा लुकाई छिपाई राखेको अवस्थामा ९ बोरा गाँजा बरामद गरेको हो ।
९ बोरामा १८ वटा बण्डल बनाएर लुकाएर राखिएको अवस्थामा २ सय २९ किलो गाँजा बरामद गरेको जिल्ला प्रहरी कार्यालय मकवानपुरका प्रहरी प्रवक्ता डिएसपी इन्द्रबहादुर रानाले बताउनुभयो । उक्ता गाँजामा संलग्नहरुको खोजिकार्य भैरहेको समेत प्रहरीको भनाई रहेको छ ।
