काठमाडौं – नेपालमा पछिल्लो २४ घण्टामा ४ हजार ३ सय ९२ जना कोरोना भाइरस संक्रमित थपिएका छन् । पछिल्लो २४ घण्टामा १६ हजार ५ सय ३१ जनाको स्वाब परीक्षण गर्दा ४ हजार ३ सय ९२ जना कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै कुल संक्रमितको संख्या एक लाख २६ हजार १३७ पुगेको छ । मन्त्रालयका अनुसार पछिल्लो २४ घण्टामा ३ हजार ५ सय २२ जना कोरोनामुक्त भइ डिस्चार्ज भएका छन् । यससँगै देशभर कोरोनामुक्त हुनेको संख्या ८८ हजार ४० पुगेको छ । संक्रमित मध्य ७ सय १५ जनाको मृत्यु भएको छ ।
