चितवनः माडी नगरपालिका वडा नम्बर ७ गोपालनगरमा माछा मार्न गएका स्थानीय एक युवक मृत भेटिएका छन् । उनी २२ वर्षिय गौरब थापा रहेका छन् ।
ईलाका प्रहरी कार्यालय माडीका प्रमुख प्रहरी निरिक्षक हर्क बिश्वकर्माका अनुसार उनी संगै माछा मार्न गएका सात जनालाई प्रहरीले नियन्त्रणमा लिएको छ । निजहरु आईतबार बिहान दिपेन्द्र कुशुवाको माछा पोखरीमा माछा मार्ने कामका लागि संगै गएका थिए । दिउँसो १ वजे सम्म माछा मारे पछि खानपिनमा लागेका उनीहरु मध्ये अन्य साँझ ५ वजे फर्किएको र उनी त्यही बसेको भन्ने वयान पक्राउ परेकाहरुले दिएको उहाँले जानकारी दिनुभयो ।
साँझ थापा मृत भेटिएका थिए । थप अनुसन्धान भईरहेकाले के कति कारणले उनको मृत्यु भएको हो अहिले भन्न नसकीने उहाँले जानकारी दिनुभयो । जिल्लाबाट अनुसन्धानका लागि टोलि आउँदै गरेको भन्दै उहाँले पोष्टमाटम पछि थप खुल्न सक्ने बताउनुभयो । मृतकको शरिरमा बाहिरी घाउचोट नभएको बताउनुभयो ।
