काठमाडौंः नोभेल कोरोना भाइरसका ३ सय१४ संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता जागेश्वर गौतमले सोमबार दिएको जानकारी अनुसार पछिल्लो २४ घण्टामा ३१४ कोरोना भाइरस संक्रमित थपिएका हुन् ।
नयाँ कोरोना संक्रमितमध्ये २९४ पुरुष रहेका छन् भने २० महिला रहेका छन् । कुल कोरोना संक्रमतिको संख्या ३ हजार ७६२ पुगेको उहाँले बताउनुभयो ।
हालसम्म कोरोना संक्रमणबाट मृत्यु हुनेको संख्या १४ पुगेको छ । हालसम्म देशभरका विभिन्न अस्पतालबाट ४८८ जनाको उपचारपछि डिस्चार्ज भएका छन् ।
हालसम्म देशभर एक लाख ५६ हजार ९९१ को आरडीटी परीक्षण गरिएको छ भने पीसीआर विधिबाट एक लाख ९७१ जनाको कोरोना परीक्षण गरिएको छ ।
