चितवनः भरतपुर महानगरपालिका वडा नम्बर २८ जोगिटोलमा अटोले ठक्कर दिदाँ आज दिउँसो एक बालकको मृत्यु भएको छ । मृत्यु हुनेमा भरतपुर महानगरपालिका वडा नम्बर २६ का मदन कुमालका ५ वर्षिय छोरा मनिष कुमाल रहेको प्रहरीले जनाएको छ ।
पर्साढापबाट गोलाघाट तर्फ जाँदै गरेको लु १ स ७७३० नम्बरको तरकारी बोक्ने अटोले पैदलयात्री बालकलाई ठक्कर दिदाँ घाईते उनको उपचारका क्रममा पुरानो मेडीकल कलेजमा मृत्यु भएको हो । जिल्ला प्रहरी कार्यालयले दिएको जानकारी अनुसार बालकलाई ठक्कर दिने अटो र चालक प्रहरी नियन्त्रणमा रहेका छन् ।
