चितवनः ट्याङ्करको ठक्करबाट गएराति एक जनाको मृत्यु भएको छ । हेटौँडाबाट नारायणगढतर्फ आउँदै गरेको ना ७ ख ८१४१ नम्वरको तेल बोक्ने ट्याङ्करले पूर्बी चितवनको खैरहनी नगरपालिका वडा नम्बर १ तरकारी चोकमा राती दुई बजे पैदलयात्रीलाई ठक्कर दिएको थियो ।
ठक्करबाट घाइते अन्दाजी २५ वर्षीय युवाको भरतपुर अस्पतालमा उपचारका क्रममा मृत्यु भएको जिल्ला प्रहरी कार्यालयले जनाएको छ । मृतकको पहिचान खुल्न नसकेको र शव भरतपुर अस्पतालको शवगृहमा राखिएको प्रहरीले जनाएको छ । ट्याङ्कर र चालकलाई प्रहरीले नियन्त्रणमा लिएको छ ।
