चितवनः भरतपुर महानगरपालिका वडा नम्वर १६ मा हालै सम्पन्न उपनिर्वाचनमा वडा अध्यक्षमा विजयी अमृतराज हमालले वडा बासिको चाहनाअनुसार काम गर्ने बताउनुभएको छ । मोहनपुर टोल बिकास संस्थाले आज आयोजना गरेको बधाई, शुभकामना तथा सम्मान कार्यक्रममा बोल्दै अध्यक्ष हमालले यस्तो बताउनु भएको हो । कार्यक्रममा नवनिर्वाचीत अध्यक्ष हमालले वडाको बिकासका लागि कुनै भेदभाव बिना बिकासमा लाग्ने बताउनुभएको हो ।
उहाँले भन्नुभयो “म तपाईहरुको विश्वासलाई खेराजान दिने छैन । अहोरात्र खटेर वडाको बिकाश कार्य अगाडि बढाउने छु ।कार्यक्रम मा टोल बिकाश संस्थाका अध्यक्ष सुर्य बस्नेतको अध्यक्षतामा सम्पन्न सो कार्यक्रममा, उपाध्यक्ष कृष्ण गौतम, सचिव राजकुमार श्रेष्ठ, समाजसेवि राम बहादुर बस्नेत ,सुरबिर पोख्रेल, गरिमा टोल बिकासका अध्यक्ष ड्ण्डपाणि गौतम लगाएतले बोल्नुभएको थियो ।
