चितवन: भरतपुर महानगरपालिका वडा नम्वर २६ खयरघारीमा ट्याक्टरले किचेर एकजनाको मृत्यु भएको छ । मृत्यु हुनेमा गैडाकोट निवासी ५५ वर्षिय खागिराम रानामगर रहेको जिल्ला प्रहरी कार्यालय चितवनले जनाएको छ ।
प्रहरीका अनुसार सोमबार राती ११ वजे ना ७ त ४७० नम्वरको ट्याकटरमा धान लोड गरेर ल्याउने क्रममा ट्याक्टरबाट खस्दा रानामगरलाई पछाडीको चक्काले किचेको थियो । रानामगरको मृत्यु घटना स्थलमानै भएको प्रहरीले जनाएको छ ।
रानामगरलाई किच्ने ट्याक्टर र चालक प्रहरीको नियन्त्रणमा रहेका छन् ।
