चितवन: पूर्वी चितवनको रत्ननगरमा शनिवार राती ट्रकको ठक्करवाट पैदलयात्रीको मृत्यु भएको छ । रत्ननगर नगरपालिका वडा नम्वर ४ शिवचोकमा ना ७ ख ९२३२ नम्वरको ट्रकले पैदलयात्रीलाई ठक्कर दिएको थियो । जिल्ला प्रहरी कार्यालय चितवनका अनुसार ट्रकको ठक्कर वाट ५१ वर्षीय पुरुष व्यक्तिको उपचारका क्रममा भरतपुर अस्पतालमा मृत्यु भएको हो ।
पैदलयात्रीलाई ठक्कर दिने ट्रक प्रहरीको नियन्त्रणमा रहेको छ भने मृतक पुरुष व्यक्तिको नाम, थर, वतन खुल्न नसकेको प्रहरीले जनाएको छ । मृतक पुरुषको शव भरतपुर अस्पतालमा राखिएको छ । दुर्घटना राति ११ः४० वजे भएको हो ।
