चितवनः नेपाली काँग्रेसको १४ औ महाधिवेशन अन्तर्गत यहाँका सात पालिकामा अधिबेशन सम्पन्न भएको छ । असोज ९ र १० गते सम्पन्न पालिका अधिवेशनले अधिकांश नयाँ अनुहारलाई पालिकाको नेतृत्वमा जिम्मेवारी दिएको छ ।
आइतबार राती सम्पन्न भरतपुर महानगरपालिकाको अधिवेशनले चित्रसेन अधिकारीको सभापतित्वमा नयाँ कार्यसमित चयन गरेको छ । उहाँले आफ्ना निकटतम प्रतिद्वन्द्वी भरत अधिकारीलाई १ सय ३ मतले पराजित गर्नु भएको हो । चित्रसेनले ६ सय ४९ मत ल्याउँदा भरतले ५४६ मत ल्याउनु भएको छ । यस्तै महानगरको उपसभापतिमा बुद्धिकान्त न्यौपाने र बिजय घले विजयी हुनु भएको छ । उहाँहरुले क्रमश ६६१ र ५५६ मत ल्याई बिजयी हुनु भएको हो ।
सचिवमा कृष्ण वगाले र प्रनिशा गुरुङ बिजयी हुनु भएको छ । उहाँहरुले क्रमश ४५६ र ५६४ मत ल्याउनु भएको थियो । यस्तै सहसचिवमा उपेन्द्र पण्डित र कल्पना खड्का पौडेल बिजयी हुनु भएको छ । उहाँहरुले क्रमश ५१३ र ४२० मत ल्याएर बिजयी बन्नुभएको हो ।
यस्तै रत्ननगर नगरपालिकाको काँग्रेस सभापतिमा प्रलाद सापकोटा बिजयी बन्नुभएको छ । उहाँले आफ्ना निकटतम प्रतिशप्रति रुपनराज घिमिरेलाई ७८ मत अन्तरले पराजित गर्नु भएको हो । सापकोटाले २ सय ४६ मत ल्याउँदा घिमिरेले १६७ मत प्राप्त गर्नु छ । उपसभापति अपिल अधिकारी र कमला अधिकारी, सचिवमा अनिता अधिकारी र तिर्थराज सुवेदी, सहसचिवमा अमृत मल्ला र रामचन्द्र पौडेल बिजयी हुनु भएको छ ।
पूर्बी चितवनको कालिका नगरपालिकामा दिपेश्वर केसी बिजयी हुनु भएको छ । केसीले आफ्ना निकटतम प्रतिशप्रधि लिलाबहादुर गुरुङ्लाई १० मत अन्तरले पराजित गर्नु भएको हो । उहाँले १ सय १२ मत ल्याउँदा उहाँका प्रतिशप्रति लिलाबहादुर गुरुङ्ले १ सय २ मत प्राप्त गर्नु भएको छ ।
यस्तै उपसभापतिमा चेत वहादुर गुरुङ् र जेएन महतो बिजयी हुनु भएको छ । सचिवमा राजन रेग्मी र फडिन्द्र लामिछाने, सह सचिवमा योजना न्यौपाने अधिकारी र विश्वास अर्याल विजयी हुनुभएको छ ।
राप्ती नगरपालिकामा भएको निर्वाचनमा देवेन्द्र लामा बिजयी हुनु भएको छ । उहाँले आफ्ना प्रतिशप्रधिलाई ४० मत अन्तरले पराजित गर्नु भएको हो । लामाले १ सय २७ मत ल्याउँदा उहाँका प्रतिशप्रधि नारायण उप्रेतीले ८७ मत ल्याउनु छ । राप्तीको उपसभापतिमा अनिता खरेल र कृष्ण प्रसाद पाण्डे बिजयी हुनु भएको छ । सचिवमा राजकुमार शिलवाल र लक्ष्मी कँडेल बिजयी हुनु भएको छ । सह सचिवमा मनोज तामाङ र तारामायाँ प्रजा बिजयी हुनुभएको छ ।
खैरहनी नगरसभापतिमा गुणराज श्रेष्ठ विजयी हुनुभएको छ । मतपरिणाम अनुसार उहाँको प्रतिस्पर्धी शशि खनियालाई पराजित गर्दै श्रेष्ठ विजयी हुनु भएको हो । श्रेष्ठले १ सय ४५ मत ल्याएर विजयी हुदौ गर्दा खनियाले १४२ मत ल्याउनुभएको छ ।
माडी नगरपालिकामा पुनः कोमलनाथ भूषालको नेतृत्वमा नयाँ कार्य समिति चयन गरेको छ । अधिवेशनमा भूषालले आफ्ना निकटतम प्रतिशप्रधि खेम महत्तोलाई ३ मत अन्तरले पराजित गर्नु भएको हो । महत्तोको ७१ मत आउँदा भूषालले ७४ मत प्राप्त गर्नुभएको थियो । माडीको उपसभापतिमा गणेश पौडेल र मायाँराम अधिकारी, सचिवमा अपिल अधिकारी र लोकनाथ लामिछाने, सहसचिवमा इन्द्र चापगाई र दिक्षा भट्टराई बिजयी हुनु भएको छ ।
जिल्लाको एकमात्रै गाउँपालिका इच्छाकामनाको सभापतिमा कृतिकुमार श्रेष्ठ विजयी हुनुभएको छ । प्रतिद्वन्द्वी विष्णुकुमार कुँवरलाई ४ मतान्तरले पराजित गर्दै श्रेष्ठ विजयी हुनुभएको हो । खसेको कुल मत मध्ये ६६ मत प्राप्त गर्दै श्रेष्ठ विजयी हुनुभएको हो । कुँवरले ६२ मत प्राप्तु गर्नुभएको छ । उपसभापतिमा देवलाल गुरुङ र दिपक खनाल, सचिवमा तुलवहादुर गुरुङ् र हिरा गुरुङ, सहसचिवमा उत्तमकुमार गुरुङ् र सुधिर अधिकारी निर्वाचत हुनु भएको छ । जिल्लाका सातै पालिकामा मतदानद्वारा नेतृत्व चयन गरिएको हो ।
