चितवन: भरतपुर माहानगरपालिकाले भोलि मगलबारबाट नया जनप्रतिनिधि पाउने भएको छ ।
भरतपुर माहानगरको जारी मतगणनाको अन्तिम नतिजा भोलि मगलबार बिहान आउने भएको छ । मगलबार बिहान ४ बजे सम्ममा अन्तिम नतिजा निकाल्ने गरि काम भइरहेको मुख्य निर्वाचन अधिकृतको कार्यलयले जनाएको छ । भोलि मगलबार माहानगरले मेयर उपमेयर सगै २९ वटै वडामा वडा अध्यक्षहरु पाउने भएको छ ।
भोलि बिहान ८ बजे प्रमाणपत्र वितरण गर्ने कार्यक्रम रहेको छ । यस्तै बिहान १० बजे शपथ ग्रहण र ११ बजेपछी बिजय र्याली निकाल्ने गरि तयारी भइरहेको नेपाली काङ्ग्रेस चितवनका सभापति एब पाँच दलिय गठबन्धनका सयोजक राजेश्वर खनालले जानकारी दिनु भयो । यस्तै पाँच दलिय गठबन्धनले भोलिको बिजय र्यालिको भब्य रुपमा तयारी गरेको छ । भरतपुरको मालपोतचोकबाट शुरु हुने बिजय र्याली आपटारी, रामनगर, जुगेडी, नारायणगढ बजार, बेलचोक, धर्मचोक,डेरिचोक, फनपार्क हुँदै दुर्गाचोक, मंगलपुर, रामपुर हुँदै चनौली, पर्साढाप, मेघौली,जितपुर,शुक्रनगर, जगतपुर,पटिहानी, गितानगर कृष्णपुर हुँदै भरतपुर गेस्टहाउस चौरमा आएर समापन हुने छ।
