चितवनः नेपाली काँग्रेसको १४ औं महाधिबेशनमा केन्द्रीय सदस्यको उम्मेदवार वन्नु भएका नेपाली काँग्रेस चितवनका पार्टी सभापति जीतनारायण श्रेष्ठले उम्मेदवारी दर्ता संगै आफ्नो प्रचार प्रसारलाई तिब्र बनाउनुभएको छ । आज दिनभर महाधिबेशनमा सहभागी हुन आएका महाधिबेशन प्रतिनिधिहरु संग भोटघाट गर्दै प्रचार प्रसारलाई तिब्र बनाउनु भएको हो ।
उम्मेदवारी दर्ता गरे संगै प्रचार प्रसारलाई तिब्र बनाउनु भएका उहाँले आदिबासी–जनजाती तर्फको क्रमशंख्या १५ मा मतदान गरि विजयी गराउनका लागि सबै मतदातालाई अनुरोध समेत गर्नु भएको छ । श्रेष्ठ आज विहान देखिनै पार्टीका शिर्ष नेतृत्वहरु संगको भेटघाट र महाधिबेशन प्रतिनिधिहरु संगको छलफलमानै व्यस्त रहनु भयो । छलफलका क्रममा सकारात्मक प्रतिकृया पाएको उहाँको भनाई छ ।
उहाँको समर्थनमा नेपाल बिद्यार्थी संघ चितवन, नेपाली काँग्रेस चितवन र उहाँका शुभेच्छुकहरुले भृकुटी मण्डव काठमाठौंमा प्रदर्शन गरेका थिए । श्रेष्ठले आफ्नो जीत सुनिश्चित भएको बताउनुभयो । आँफु पार्टीको युवा र प्रखर वक्ता भएका कारण पनि निर्वाचनमा जीत हाँशिल गर्न सहज भएको बताउनुभयो । देश, काल अनुसार पार्टीलाई चलायमान बनाउनका लागि आफ्नो उम्मेदवारी रहेको भन्दै श्रेष्ठले विजयी भए पछि पार्टी भन्दा माथि उठेर देश र जनताका निम्ति काम गर्ने प्रतिक्रिया दिनुभयो ।
नेपालको सुन्दर भबिश्य निर्माणका लागि शान्ति, स्थिरता र विकासलाई महत्व दिएर अघि वढ्ने उहाँको भनाई छ । यसलाई पुरा गर्नका लागि काँग्रेसको संरचनागत नेतृत्वमा युवाहरु आउनु पर्ने उहाँले बताउनुभयो । युवाहरुले नेतृत्व लिन सके मात्र पार्टीलाई नवजीवन दिने परिस्थिति निर्माण हुन सक्ने उहाँको भनाई छ । नेविसंघको राजनितिबाट राजनैतिक यात्रा सुरु गर्नु भएका श्रेष्ठ हाल नेपाली काँग्रेस चितवनको सभापति हुनुहुन्छ । काँग्रेस चितवनको जिल्ला सभापति भई पार्टीलाई चलायमान वनाउन सफल हुनु भएका श्रेष्ठले आँफुलाई केन्द्रीय सदस्यमा निर्वाचित गराइ पार्टीका साथीहरुको सेवामा लाग्ने अबसर दिन समेत सबैलाई अपिल गर्नु भएको छ । केही दिन अघि उहाँले चितवनमा भव्य कार्यक्रमका बिच आफ्नो उम्मेदवारी घोषणा गर्नु भएको थियो । घोषणा सभामा नेपाली काँग्रेसका पूर्ब सभापति, जिल्ला अधिबेशनमा सभापति पदका आकांक्षिहरु, महाधिबेशन प्रतिनिधि लगाएत नेता कार्यकर्ताको ठूला्े उपस्थिति रहेको थियो ।
श्रेष्ठ ३६ वर्षको उमेरमा जिल्ला सभापति वन्नुभएको हो । उहाँको भाषण कला निकै राम्रो रहेको छ । सुन्नेहरुले गगन थापा, विश्वप्रकाश शर्माको जस्तै बोल्न सक्ने नेताका रुपमा उहाँलाई लिदैं आएका छन् । बिपक्षि दलहरु संग आफ्ना अडान दरिलो तवरले राख्ने नेताको रुपमा पनि उहाँ परिचित हुनुहुन्छ । केहीदिन यता देखि राजधानिमा रहेर उहाँले देशभरबाट र बिदेशबाट आउने प्रतिनिधिहरु संगको भेटघाटलाई तिब्रता दिइरहनु भएको छ ।
