चितवनः नारायणगढ–मुग्लिन सडक खण्डमा दुईवटा ट्रक एक आपसमा ठक्कर खाँदा ६ जना घाईते भएका छन् । जिल्ला प्रहरी कार्यालय चितवनले दिएको जानकारी अनुसार आज विहान ८ः२५ वजे ईच्छाकामना गाउँपालिका वडा नम्बर ५ मा ट्रक ठक्कर खाएका हुन ।
काठमाडौंबाट नारायणगढ तर्फ आउँदै गरेको ना ६ २४२३ नम्बरको ट्रक र बिपरित दिशाबाट जाँदै गरेको ना ४ ख ८०११ नम्बरको ट्रक एक आपसमा ठक्कर खाएका हुन । ठक्कर खाँदा दुबै ट्रकका चालक र ट्रकमा सवार चार जना घाईते भएको प्रहरीले जनाएको छ ।
घाईते मध्ये एक जनाको अबस्था गम्भिर रहेको र अन्यको मध्यम रहेको कार्यालयका प्रबक्ता प्रहरी नायब उपरिक्षक सूर्य वहादुर थापाले जानकारी दिनुभयो । उनीहरुको पुरानो मेडिकल कलेजमा उपचार भईरहेको छ ।
