काठमाडौंः नोभेल कोरोना भाइरसका ४४८ संक्रमित थपिएका छन् ।
पछिल्लो २४ घण्टमा देशभर ४४८ कोरोना संक्रमित थपिएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिएका छन् ।
जसमा ४२४ पुरुष र २४ महिला रहेका छन् ।
देशभर कोरोना संक्रमितकोसंख्या ५ हजार ६३ पुगेको छ । जसमा ४ हजार ७०९ पुरुष छन् भने ३५३ महिला रहेका छन् । देशभर कोरोना संक्रमणबाट मृत्यु हुनेको संख्या १६ पुगेको छ ।
हालसम्म देशभरका विभिन्न अस्पतालमा कोरोना संक्रमणको उपचारपछि ८७७ जना डिस्चार्ज भएका छन् ।
देशभर हालसम्म एक लाख २१ हजार ८६२ पीसीआर परीक्षण गरिएको छ भने एक लाख ८८ हजार ५२ आरडीटी परीक्षण गरिएको छ । पछिल्लो २४ घण्टामा ५ हजार ९२५ पीसीआर परीक्षण गरिएको छ ।
देशरभका क्वारेन्टाइमा एक लाख ५८ हजार ५० मानिसहरु रहेका छन् भने देशभरका आइसोलेसनमा ४हजार १६९ कोरोना संक्रमित रहेका छन् ।
