चितवन तीनवटा सवारी साधन एक आपसमा ठक्कर खाँदा एक जनाको मृत्यु भएको छ । भरतपुर महानगरपालिका वडा नम्बर २४ लक्ष्मणचोकमा प्र ३–०१–०२४च ४९९३ नं. को बलेरो, बा.प्र.०३–००१प ३६५६ नम्बरको मोटरसाइकल र प्रदेश ३–०३–००१ प ८८८२ नम्बरको स्कुटर आज दिउँसो ठक्कर खाएको हो । सो दुर्घटनामा परि इच्छाकामना गाउँपालिका वडा नमबर ५ दारेचोक निवासी ३७ बर्षिया राम कुमारी गुरुङ्को मृत्यु भएको भएको हो । उनी स्कुटरमा सवार थिईन ।
सोही दुर्घटनामा स्कुटर चालक ईच्छाकामना गाउँपालिका वडा नम्बर ५ दारेचोकका ३१ बर्षिय सोजन शेरचन र मोटरसाइकल चालक भरतपुर महानगरपालिका वडा नम्बर २४ का ३१ बर्षिय हरिशरण थापा मगर घाइते भएका छन् । घाईते दुबै जनाको पुरानो मेडीकल कलेजमा उपचार भईरहेको छ ।
यस्तै फोटो खिच्ने क्रममा एक पुरुष ढुङ्गाबाट तालमा चिप्लीएर व्यपत्ता भएका छन् । व्यपत्ता हुनेमा भरपतुर महानगरपालिका वडा नम्बर १६ का ३५ बर्षिय अर्जुन गौतम रहेको जिल्ला प्रहरी कार्यालय चितवनका प्रबक्ता प्रहरी नायब उपरिक्षक भेषराज रिजालले जानकारी दिनुभयो । उहाँका अनुसार माडी नगरपालिका वडा नम्बर ८ बैकुण्ठ तालमा फोटो खिच्ने क्रममा आज बिहान चिप्लीएर बेपत्ता हुनुभएको हो । बेपत्ता गौतमको खोजी कार्य जारी रहेको उहाँले जानकारी दिनुभयो ।
