चितवन: बाघको आक्रमणबाट बेपत्ता भएका बृद्धको शब भेटिएको छ । जिल्ला प्रहरी कार्यालय चितवनका अनुसार पूर्बी चितवनको खैरहनी नगरपालिका वडा नम्बर १२ मा रहेको कुमरोज मध्यवर्ती सामुदायीक वनमा घाँस काट्न गएका स्थानीय बृद्धलाई बाघले आक्रमण गरी लगेको हो । उनको शब जितपुरघाटमा भेटिएको हो ।
जिल्ला प्रहरी कार्यालय चितवनका अनुसार आज बिहान ९ः०५ वजे घाँस काट्न गएका ६५ बर्षिय रामप्रसाद धमलालाई बाघले आक्रमण थियो । बाघले आक्रमण गरेर लगेका धमलाको खोजिका कार्यका लागि नेपाली सेना र नेपाल प्रहरीको टोली परिचालन गरिएको थियो । शव ११ः२० वजे भेटिएको हो ।
