चितवनः इनारमा डुवेर एक बृद्धाको मृत्यु भएको छ । माडी नगरपालिका वडा नम्बर ७ किर्तनपुर प्रगतिटोल निबासी ७४ बर्षिया सुकमायाँ रानाभाटको इनारमा डुबेर मृत्यु भएको हो ।
जिल्ला प्रहरी कार्यालय चितवनका अनुसार आज बिहान घरबाट निस्किएकी रानाभाट अबेरसम्म घर नपुगेपछि उनको खोजि भएको थियो । घर नजिकैको इनारबाहिर चप्पल, लौरो रहेको र बृद्धा डुबेको अवस्थामा भेटिएको प्रहरीले जनाएको छ । वृद्धाको शवलाई पोष्टमार्टमका लागि भरतपुर अस्पतालमा ल्याइएको छ । घटनाको थप अनुसन्धान भइरहेको प्रहरीले जनाएको छ ।
