चितवन, : जिल्लामा पछिल्लो २४ घण्टाको समयमा १ सय २८ जनामा कोरोना सङ्क्रमण पुष्टि भएको छ ।
स्वास्थ्य कार्यालय चितवनका अनुसार ९९ जना पिसिआर परिक्षण बिधिबाट र २९ जना मा एन्टीजिन बिधिबाट कोरोना सङ्क्रमण पुष्टि भएको हो । कार्यालयका जनस्वास्थ्य अधिकृत गिताञ्जली ढकालका अनुसार दुबै बिधिबाट सबैभन्दा धेरै भरतपुर महानगरपालिकामा कोरोना सङ्क्रमण पुष्टि भएको हो ।
पिसिआर बिधिबाट भरतपुर महानगरमा ६९ जना, खैरहनी नगरपालिकामा ६ जना, माडी नगरपालिकामा २ जना, रत्ननगरमा १३ जना, राप्तिमा ३ जना, कालिकामा ५ जना र इच्छाकामना गाउँपालिकामा १ जनामा कोरोना सङ्क्रमण पुष्टि भएको हो । यस्तै एन्टीजेन बिधिबाट भरतपुर महानगरमा १७ जना, माडीमा ८ जना, रत्ननगरमा ३ जना, राप्तीमा १ जनामा कोरोना सङ्क्रमण पुष्टि भएको छ ।
यो संगै जिल्लामा सक्रिय सङ्क्रमितको संख्या १ हजार २ सय ५३ जना रहेको छ । जस मध्ये १ हजार १ सय २५ जना होम आइसोलेसनमा रहेका छन् भने ९० जना अस्पतालको आइसोलेसनमा रहेका छन् । जिल्लामा कोरोना सङ्क्रमणका कारण २ सय ६९ जनाको मृत्यु भई सकेको छ । १३ हजार ९ सय ४० जना उपचार पछि घर फर्की सकेको ढकालले जानकारी दिनुभयो ।
