चितवन, २९ चैत । सुर्योदय टोल विकास संस्थाको आयोजनामा जेष्ठ नागारिक सम्मान कार्यक्रम शनिबार भरतपुर १५स्थित श्री आधारभूत बिधालय सुर्यनगरमा सम्पन्न भएको छ।

भरतपुर महानगरपालिकाकि प्रमुख रेणु दाहालको प्रमुख आतिथ्यतामा भएको सो सम्मान कार्यक्रममा भरतपुर महानगरपालिका वडा नं १५का वडाअध्यक्ष शम्भु बहादुर भण्डारी,भरतपुर १४का वडाअध्यक्ष ओमप्रकाश पोख्रेल,भरतपुर १९का वडाअध्यक्ष कर्ण बहादुर गुरुङ बिशिस्ट अतिथी रहनुभएको कार्यक्रममा श्री आधारभूत बिधालय सुर्यनगरका प्रधानध्यापक शिवराम ढुंगाना,नेपाली कांग्रेस भरतपुर १५ का सभापति धर्मराज आचार्य,ने.क.पा.माओवादी केन्द्रका अध्यक्ष आकाश थापा लगायत स्थानीय समाजसेवीहरु अतिथि रहनुभएको थियो।

सो कार्यक्रम बोल्दै भरतपुर महानगरपालिकाकि प्रमुख दाहालले आफु महानगर प्रमुखमा बिजयी हुने बित्तिकै सबैभन्दा पहिला जेष्ठ नागरिकहरु,महिला वर्गहरुको लागि भरतपुर सरकारी अस्पतालमा ओ.पि.डि.शुल्क निशुल्क गरेको बताउदै अपांगता भएकाहरुको लागि अपांगता भत्ताको लागि कुनै पनि वडा बाट सिफारिस नदिएको मा छिटो भन्दा छिटो सिफारिस बनाएर महानगरमा पठाउन को लागि वडाअध्यक्षलाई ध्यानाकर्षण गराउनु भएको छ। प्रमुख दाहालले भन्नुभयो जेष्ठ नागरिकहरुलाइ दिन कटाउन सहज बनाउन महानगरपालिकाले आफ्नो नीति कार्यक्रम अन्तर्गत जेष्ठ नागरिक भवन बनाउन थालनी गरी काम अगाडि बढेको बताउदै भरतपुर १५ नं वडामा जनप्रतिनिधिले खासै चासो नदेखाए पनि विकासका काम अब तीव्र गतिमा अगाडी बढ्ने समेत बताउदै आफू महानगपालिकाको प्रमुख भई रहदा कुनै पनि वडालाई राजनीतिक भेदभाव नगरी समान नजरले हेरेको बताउनु भयो।

सो सम्मान कार्यक्रममा सुर्योदय टोल विकास संस्था भित्र रहेका ६०भन्दा बढी जेष्ठ नागारिकलाई सम्मान गर्दै अशक्त ४जनाको लागि ह्विवल चियर समेत वितरण गरिएको थियो सो कार्यक्रम यसै टोल विकास संस्थाका अध्यक्ष चन्द्रप्रसाद वुर्लाकोटीको सभापतित्वमा सम्पन्न भएको हो।

प्रतिक्रिया दिनुहोस !