रत्ननगरको आठौं नगर सभाबाट बास्तविक भूमिहीनलाई लालपुर्जा दिने प्रस्ताब पारित

रत्ननगरः रत्ननगर नगरपालिकाको आठौं नगर सभाले बास्तविक भूमिहीनलाई मात्र लालपूर्जा वितरण गर्ने प्रस्ताब पारित गरेको छ । आज सम्पन्न नगर सभाले भूमिहीनलाई लालपूर्जा वितरण सहित बजेट रकामान्तरको लागि कार्यपालिकालाई जिम्मेवारी दिने, मेयरसंग उद्यमशिलता कार्यक्रम सञ्चालनको लागि नेपाल बैंक संग गरेको सम्झौता लगायतका प्रस्तबा पारित गरेको हो ।

नगर सभामा प्रमुख नारायण वनले प्रस्तुत गरेको बास्तविक सुकुमबासीलाई मात्र लालपूर्जा वितरण गर्ने लगायतका प्रस्ताबमा नगर सभाका सदस्यहरुले सहमति जनाउदै एकमतका साथ पास भएको थियो । सभामा प्रमुख वनले कुनै लोभ लालचमा नपरी बास्तविका सुकुमबासी र भूमिहीनलाई मात्र लालपूर्जा वितरण गर्ने आफुले नगर सभाबाट म्याण्डेड पाएको भन्दै सोही अनुसार नै काम गर्ने बताउनुभयो ।

सुकुमबासी र भूमिहीनलाई लालपूर्जा वितरणको लागि वडागत रुपमा फारम भर्ने काम भइरहेको भन्दै मेयर वनले अबको केही दिनमा लालपूर्जा सिरानीमा हालेर निदाउने सुकुमबासी समुदायको सपना पुरा गर्ने बताउनुभयो । सो नगरपालिकाले कोरोनाको प्रभावका कारण चालु आर्थिक बर्षको छ महिनामा निवियोजित बजेट मध्य १८ दशमलब १२ प्रतिशत मात्र खर्च भएको जनाएको छ । छ महिनामा चालु खर्च २१ दशमलब ९२ प्रतिशत,पूँजिगत खर्च १३ दशमलब ४७ प्रतिशत खर्च भएको लेखा अधिकृत कृष्णप्रसाद सुबेदीले जानकारी दिनुभयो ।

चालु आर्थिक बर्षको ६ महिनाको अबधिका सो नगरपालिकाले ४० प्रतिशत राजश्व संकलन गरेको छ । नगर सभामा राजश्व परामर्श समितिकी संयोजक तथा उपप्रमुख विमला दुवाडीले प्रतिवेदन प्रस्तुत गर्दै चालु आर्थिक बर्षमा १० करोड राजश्व संकलन गर्ने लक्ष्य लिएको र पुस २८ गते सम्म ४ करोड १५ लाख ११ हजार रुपैया संकलन भएको जानकारी गराउनुभयो । कोरोना महामारीको कारण विकास निर्माणका काममा ढिलाई भएका कारण बजेट खर्च कम भएको उपप्रमख दुवाडीले बताउनुभयो ।

उहाँले कोरोनाका कारण आर्थिक क्षेत्र घरासायी बनेका कारण राजश्व संकलन सन्तोषजनक हुन नसकेको जानकारी दिनुभयो । नगर सभामा उपमेयर दुवाडीले योजना अनुगमन तथा सुपरीबेक्षण समिति,न्यायिक समितिको प्रतिवेदन समेत प्रस्तुत गर्नुभएको थियो । नगर सभामा लेखा समितिका संयोजक लाल बहादुर भट्ट, विधायन समितिका संयोजक तिलकशर्मा पौडेल,पूर्वाधार निर्माण समितिका संयोजक हरिकुमार श्रेष्ठ, विपद् वन तथा वातावरण समितिका संयोजक बलराम दाहाल,सामाजिक विकास समितिका संयोजक केशव आचार्य,आर्थिक विकास समितिका संयोजक गुप्तनाथ भट्टराईले कार्यप्रगति प्रतिवेदन प्रस्तुत गरेका थिए ।

नगर सभामा प्रमुख वनले नगरपालिकाको अगुवाइमा नगर भित्र गौरबका योजनाहरु निर्माण भइरहेको बताउनुभयो । उनले नगरको गौरब योजना अन्तर्गत सम्भावित दुर्घटना न्यूनीकरण र बजारलाई व्यवस्थित गर्न टाँडीचोकमा आकासेपुल निर्माणकार्य सम्पन्न भइसकेको र अबको केही दिनमा उद्घाटन गरी सञ्चालनमा ल्याउने बताउनुभयो । सौराहाको पर्यटनको विकासको लागि सौराहामा एक हजार ५०० अट्ने सिटीहल र वडा नं ९ मा होम स्टे सहितको इको पार्क निर्माणको काम अन्तिम चरणमा पुगेको उहाँको भनाईछ ।

चितवनमा थप पर्यटकीय गन्तव्यको रुपमा विकास गर्न टिकौलीचौरमा कृष्णसार ल्याउन प्रक्रिया सुरु भइसकेको भन्दै उहाँले पशुपालनलाई व्यवस्थित गर्न टिकौलीमै पशुपंछी हाटबजार निर्माणाधिन अबस्थामा रहेको जानकारी दिनुभयो । प्रमुख वनले नगरको शिक्षालाई अर्थपूर्ण बनाउन पाँच वटा सामुदायिक विद्यालय प्राविधिक शिक्षा सञ्चालन गरेको जानकारी दिनुभएको थियो । नगर सभामा प्रस्तुत भएका योजनाहरु सर्बसम्मत रुपमा पारित भएको प्रमुख प्रशासकीय अधिकृत भीमबहादुर कुँवरले जानकारी दिनुभयो ।

अयोध्यामिडिया द्धारा संञ्चालित क्लिक खवर
अध्यक्षः सनद अधिकारी
प्रबन्धनिर्देशकः प्रस्ताब सुवेदी
र सम्पादक नारायण काफ्ले
बिज्ञापनका लागि सम्पर्कः ९८५५०५४१३५
Copyright © 2020 - www.clickkhabar.com | Powered by: Namuna Computer