सन्दीप लामिछानेले होबर्ट हुरीकेन्सबाट डेब्यु गर्ने

पूर्व क्लब मेलबर्न स्टार्सविरुद्ध सन्दीप हाेबार्टकाे सुरुवाती-११ मा परेका छन् । सन्दीपले यसअघि स्टार्सबाट लगातार दुई सिजन खेलेका थिए । २१ खेल खेलेका सन्दीपले २६ विकेट लिएका थिए ।

यस सिजन नयाँ टिम हुरीकेन्समा आबद्ध सन्दीपले ६ खेल गुमाएका थिए । अष्ट्रेलिया पुगेपछि १४ दिनको क्वारेन्टिन बसेको कारण सन्दीपले सुरुवाती खेल गुमाएका हुन् ।