काठमाडौंः सत्तारूढ नेपाल कम्युनिस्ट पार्टी (नेकपा)को स्थायी कमीटिको बैठक सकिएको छ । पार्टी केन्द्रीय कार्यालय धुम्बाराहीमा बसेको बैठक केही बेरअघि सकिएको हो ।
आजको स्थायी कमिटीको बैठकमा दुवै अध्यक्षले पेस गरेका राजीनितक प्रतिवेदनमाथि छलफल भएको बताइएको छ ।
बैठकमा पार्टी अध्यक्ष तथा प्रधानमन्त्री केपी शर्मा ओली भने उपस्थित हुनु भएन । आगामी स्थायी कमिटी बैठक २८ मंसिरमा बस्ने नेकपा पार्टी प्रवक्ता नारायणकाजी श्रेष्ठले जानकारी दिनुभयो । उहाँले केन्द्रीय समिति बैठक ५ पुसमा बस्नेसमेत बताउनुभयो ।
