क्यान्सरका कर्मचारी मृत भेटिए

चितवनः विपी कोइराला मेमोरियल क्यान्सर अस्पताल भरतपुरका एक कर्मचारी नहरमा आज मृत अवस्थामा भेटिएका छन् । मृत्यु हुनेमा सिमारा घर भई बिगत ११ वर्ष देखि अस्पतालमा काम गर्दै आएका ३२ वर्षीय सूर्य मिश्र रहेको जिल्ला प्रहरी कार्यालय चितवनले जनाएको छ ।

अस्पतालमा बिजुली मर्मतको काम गर्दै आएका उनको शब आज बिहान ११ वजे अस्पताल हुदै वगेको नहरमा भेटिएको थियो । शवलाई पोष्टमाटमका लागि भरतपुर अस्पतालमा राखिएको प्रहरीले जनाएको छ । अस्पतालका कार्यकारी निर्देशक डा. देज कुमार गौतमले घटना हत्या जस्तो देखिएको भन्दै थप अनुसन्धान प्रहरीले गर्ने बताउनुभयो ।