भारतका गृहमन्त्री शाह अस्पताल भर्ना

दिल्लीः भारतका संघीय गृह मन्त्री अमित शाह नयाँ दिल्लीस्थित एम्स अस्पतालमा अस्पताल भर्ना भएका छन् ।

पूर्ण स्वास्थ्य परीक्षणका लागि उहाँलाई अस्पताल भर्ना गरिएको अधिकारीहरुले आइतबार जानकारी दिएका छन् ।

उहाँलाई गत २ अगस्टमा तारिखमा कोरोनाभाइरसको संक्रमण पुष्टि भएको थियो । त्यसपछि कोरोना नेगेटिभ देखिएपछि उहाँलाई १४ अगस्टमा डिस्चार्ज गरिएको थियो ।

त्यसपछि लगातार उच्च स्वास्थ्य निगरानीमा रहनुभएका शाह त्यतिबेलाको संक्रमणको अन्तिम परीक्षणका लागि अहिले फेरी अस्पताल भर्ना भएका हुन् ।

संसदको नयाँ अधिवेशन सुरु हुनु अगाडि उनको पूर्ण स्वास्थ्य परीक्षण गर्न लागिएको भारतीय अधिकारीहरूले बताएका छन् ।