चितवनः नारायणगढ–मुग्लिङ सडक खण्डको भतेरीमा सुक्खा पहिरो खस्दा सवारी आवागमन अबरुद्ध भएको छ । भरतपुर महानगरपालिकाको वडा नम्बर २९ मा पर्ने भतेरी जंगलमा सुख्खा पहिरो खसेको हो । जिल्ला प्रहरी कार्यालय चितवनका प्रबक्ता प्रहरी नायब उपरिक्षक सूर्य वहादुर थापाका अनुसार दुुईवटा रुखसहित झरेको पहिरोले सडक पूर्णरुपमा अवरुद्ध भएको छ ।
सडक अवरुद्ध भएपछि उक्त सडक भएर चल्ने सवारीसाधन रोकिएका छन् । पहिरो पन्छाउन २ घण्टा लाग्ने उहाँले जानकारी दिनुभयो । पहिरो आज दिउँसो १ वजे खसेको हो ।
