चितवनः पूर्बी चितवनको खैरहनीमा रहेको एक बिद्यालयमा दिउँसो तास खेलेर वसेको समयमा बिद्यालयका प्रध्यानाध्यापक सहित ११ जनालाई प्रहरीले नियन्त्रणमा लिएको छ । ईलाका प्रहरी कार्यालय खैरहनीले उनीहरुलाई बिहिबार पक्राउ गरेको हो ।
प्रहरीका अनुसार खैरहनी नगरपालिका वडा नम्बर २ मा रहेको लिटल हेभन स्कुलमा तास खेलिरहेको अवस्थामा विद्यालयका प्रध्यानाध्यापक सहित ११ जनालाई प्रहरीले पक्राउ गरेको हो ।
विहिबार दिउँसो १ बजेतिर विद्यालयका प्रध्यानाध्यापक सहित ११ जनालाई पक्राउ गरिएको इलाका प्रहरी कार्यालय खैरहनीका प्रहरी निरिक्षक ऋषिराम घर्ती मगरले जानकारी दिनुभयो । उनीहरुको साथबाट ४५ हजार ६ सय ४० रुपैयाँ बरामद भएको प्रहरीले जनाएको छ ।
