चितवनः पूर्ब पश्चिम राजमार्ग अन्तर्गत रत्ननगर नगरपालिका वडा नम्बर ३ शान्तिचोकमा कन्टेनरले मोटरसाईकललाई ठक्कर दिदाँ मोटरसाईकल चालकको मृत्यु भएको छ । बिरगन्जबाट कुखुराको दाना लिएर भरतपुर तर्फ आउँदै गरेको ना ८ ख २८१८ नम्बरको कन्टेनरले बिपरित दिशाबाट जाँदै गरेको बागमती प्रदेश ०६–००३ प ४८५१ नम्बरको मोटसराईकललाई ठक्कर दिएको थियो ।
जिल्ला प्रहरी कार्यालय चितवनका प्रहरी निरिक्षक लक्ष्मण केसीका अनुसार ठक्करबाट मोटरसाइकल चालक रत्ननगर नगरपालिका वडा नम्बर १५ बस्ने ३४ बर्षिय जीवन मग्राती रहेका छन् । आज बिहान २ः१० वजे कन्टेनरले मोटरसाईकललाई ठक्कर दिएको थियो । ठक्करबाट घाइते मग्रातीको बकुलर अस्पताल रत्ननगरमा उपचारका क्रममा मृत्यु भएको हो । केसीका अनुसार उनको बिहान २ः४२ बजे अस्पतालमा मृत्यु भएको हो ।
