चितवनः राप्ती नदीमा डुवेर दुई युवा बेपत्ता भएका छन् । भरतपुर महानगरपालिका वडा नम्बर २७ जमुनाघाट स्थित राप्ती खोलामा माछा मार्न गएका दुई युवा बेपत्ता भएका हुन ।
जिल्ला प्रहरी कार्यालय चितवनका प्रहरी निरिक्षक लक्ष्मण केसीका अनुसार शुक्रबार २ बजे माछा मार्न निस्किएका उनीहरु नदीमा बेपत्ता भएका हुन । बेपत्ता हुनेमा भरतपुर महानगरपालिका वडा नम्बर २५ का ४३ बर्षिय संजीव कुमार चौधरी र वडा नम्बर २७ का ४५ बर्षिय शुक बहादुर परियार रहेको उहाँले जानकारी दिनुभयो । केसीका अनुसार बेपत्ता उनीहरुको खोजीकार्य जारी रहेकोे छ ।
उनीहरुसँग नदीमा माछा मार्न गएका सोही ठाँउका रोहितकुमार चौधरी भने पौडेर बाँच्न सफल भएको केसीले बताउनुभयो । उनीहरुको खोजीका लागि आज बिहान देखि नै निकुञ्ज सुरक्षार्थ नेपाली सेनाको टोली खटिएको छ । स्थानीय, नेपाल प्रहरी सहितको टोली समेत खोजीमा खटिएको उहाँले जानकारी दिनुभयो ।
