चितवनः स्वास्थ्य कार्यालय चितवनले जिल्लामा रहेका ६ स्थानीय तहलाई ५० शैया मेडीकल वेड हस्तानतरण गरेको छ ।

कार्यालयले इच्छाकामना गाउँपालिका बाहेक अन्य स्थानीय तहलाई मेडीकल वेड, तन्ना, कम्बल र सिरानी हस्तान्तरण गरेको हो । कोरोना भाइरसको सङ्क्रमण वढ्दै जाँदा यसको रोकथाम तथा नियन्त्रणका लागि स्थानीय तहमा आइसोलेसन केन्द्र स्थापना गरी सामान्य उपचार, अक्सिजन तथा स्वास्थ्य सल्लाह प्रदान गर्न सहयोग पुग्ने उद्देश्यले वेडहरु हस्तान्तरण गरिएको हो ।

आज एक कार्यक्रमका बिच चितवनका प्रमुख जिल्ला अधिकारी प्रेमलाल लामिछानेको उपस्थितिमा कार्यालयका प्रमुख दिपक तिवारीले भरतपुर महानगरपालिका, रत्ननगर नगरपालिका, खैरहनी नगरपालिका, कालिका नगरपालिका, राप्ती नगरपालिका र माडी नगरपालिकालाई वेड हस्तान्तरण गर्नु भएको थियो ।

कार्यालयलाई स्वास्थ्य मन्त्रालयबाट कार्यालयलाई प्राप्त ती वेडहरु महानगरपालिकालाई २५ थान, रत्ननगर, खैरहनी, कालिका, राप्ती र माडी नगरपालिकालाई ५-५ थान मेडीकल वेड हस्तान्तरण गरिएको कार्यालयका प्रशासकीय अधिकृत शिब शर्मा पौडेलले जानकारी दिनुभयो ।

यस कार्यालयले संघिय कार्यालय, प्रदेश कार्यालय संग समन्वय गर्दै सरकारका बिभिन्न राष्ट्रिय स्वास्थ्य सेवा कार्यक्रमहरु सञ्चालनका लागि पालिकाहरुलाई प्राबिधिक सल्लाहा, परिवार नियोजनका साधन, क्षयरोग, कुष्ठरोग, डेङ्गु, मलेरिया, प्रकोप तथा स्वास्थ्य विपद् महामारीका रोकथाम नियन्त्रणका लागि खोप, औषधि तथा औषधि जन्य सामाग्रीको व्यवस्थापन गर्दै आएको छ ।

वेड हस्तान्तरण कार्यक्रममा भरतपुर महानगरका प्रमुख प्रशासकिय अधिकृत भोजराज खतिवडा, स्वास्थ्य कार्यालय चितवनका प्रमुख दिपक तिवारी लगाएको सहभागिता रहेको थियो ।

प्रतिक्रिया दिनुहोस !