चितवनः गैंडाको आक्रमणबाट एक जनाको मृत्युु भएको छ । मृत्यु हुनेमा रत्ननगर नगरपालिका वडा नम्बर ७ मालपुरकी ४० वर्षिया मायाँ तामाङ्ग रहेकी छन् ।
चितवन राष्ट्रिय निकुञ्जमा घाँस दाउरा काट्न गएकी तामाङ्गलाई आज दिउँसो गैंडाले आक्रमण गरेको थियो । गैंडाको आक्रमणबाट उनको घटना स्थलमानै मृत्यु भएको निकुञ्जले जनाएको छ । स्थानीय ६ जना महिलाहरु मिलेर घाँस दाउरा काट्न गएकोमा उनलाई गैंडाले आक्रमण गरेको हो । मृतक तामाङ्गको शब पोष्टमार्टमका लागि भरतपुर अस्पताल ल्याइएको छ ।
