चितवनः पूर्व पश्चिम राजमार्ग अन्तर्गत खैरहनी नगरपालिका वडा नम्बर १ तरकारी चोकमा ट्रकले मोटरसाईकललाई ठक्कर दिदाँ एक जनाको मृत्यु भएको छ । मृत्यु हुनेमा डोल्पा घर भई खैरहनी नगरपालिका वडा नम्बर ६ बस्ने २४ वर्षिय अर्जुन गुरुङ रहेका छन् ।
जिल्ला प्रहरी कार्यालय चितवनले दिएको जानकारी अनुसार लोथरबाट नारायणगढ तर्फ आउँदै गरेको ना ३ ख ५५४ नम्बरको ट्रकले बिपरित दिशाबाट जाँदै गरेको ना ५३ प ९७५३ नम्बरको मोटरसाईकलाई आज बिहान ७ वजे ठक्कर दिएको थियो । ट्रकको ठक्करबाट घाईते मोटरसाईकल चालक गुरुङ्को उपचारका क्रममा पुरानो मेडिकल कलेजमा मृत्यु भएको प्रहरीले जनाएको छ । टक्कर खाने दुबै सवारी र ट्रकको चालक प्रहरीको नियन्त्रणमा रहेका छन् ।
