होटलमा अग्रीम बुकिङ् गर्दा ५० प्रतिशत बोनस

चितवनः लकडाउनका कारण निकै प्रभाबित वनेको होटल व्यवसायलाई माथि उठाउन आन्तरिक पर्यटकलाई आकर्षीत गर्न पे नाउ गो लेटर नाम दिएर नयाँ योजना सार्बजनीक गरिएको छ । जसमा पछिका लागि अहिले होटल बुकिङ् गर्नेले ५० प्रतिशत बोनस पाउने छन् ।
यस योजनाका संस्थापक होटल व्यवसायी सुमन घिमिरेका अनुसार https://paynowgolater.com वेवसाईडमा गएर होटल दर्ता गर्न र ग्राहकले बुकिङ् गर्न सक्ने छन् । हाल सम्म १९ वटा होटल दर्ता भई सकेका छन् । चितवन, पोखरा, काठमाडौं र भैरहवाका होटल दर्ता भएको घिमिरेले जानकारी दिनुभयो ।
दर्ता हुन चाहने होटलले सोही वेवसाईडमा गएर फारम भरी होटलका बारेमा फोटा सहितको जानकारी दिनु पर्ने हुन्छ । दर्ता भएका होटल छानेर ग्राहकले प्रत्यक्ष सम्पर्क गरि रकमको मोलमोलाई गरेर बुकिङ् गर्न सक्ने व्यवस्था गरिएको छ । अहिले बुकिङ भए पनि दुई महिना पछि मात्र ग्राहकले यो सुबिधा पाउने छन् । हाल बुकिङ् गरेर सन २०२१ को अन्त्य सम्म होटल प्रयोग गर्न सकीने छ ।
बोनस रकमले होटलका कोठा र खाना मात्र भूक्तानी गर्न सकीने व्यवस्था गरिएको छ । तर बुकिङ् गरेको रकम बराबरको सेवा पटक पटक गरि लिन सकिने जनाईएको छ ।
क्षेत्रीय होटल संघका निवर्तमान अध्यक्ष समेत रहनु भएका जंगल सफारी लज सौराहाका संञ्चालक युवा व्यवसायी घिमिरेले यो अभियानको थालनि गर्नु भएको हो । उहाँका अनुसार अहिले अन्य क्षेत्र खुलि रहँदा होटल व्यवसाय ठप्प छ । अहिले पनि आम्दानी भईरहेका व्यक्तिहरुले आम्दानी बिहिन अबस्थामा रहेका होटललाई सहयोग गरि आँफुले बोनस पाउन सक्ने गरि आन्तरिक पर्यटकहरुका लागि यो योजना ल्याईएको घिमिरेको भनाई छ ।
लकडाउन संगै देशभरीका होटल वन्द छन् । बिश्वका अधिकांश देश कोरोना भाईरसबाट प्रभावित छ । जसले गर्दा केही समय सम्म बाह्य पर्यटक आउने सम्भावना छैन । आन्तरिक पर्यटकलाई आकर्षण गर्न व्यवसायीहरु लागि परेका छन् ।