दैलेखः दैलेखको क्वारेन्टिनमा आज मृत्यु भएका पुरुषमा कोरोना संक्रमण पुष्टि भएको छ । ती युवा संगै नेपालमा कोरोना भाइरसको संक्रमणबाट मृत्यु हुनेको संख्या सात पुगेको हो।
दुल्लु नगरपालिकास्थित नेपाल विद्युत प्राधिकरणको क्वारेन्टाइनमा मृत्यु भएका ३५ वर्षीय पुरुषमा कोरोना पुष्टि भएको छ । उनको तीन दिनअघि नै स्वाब संकलन गरेर पीसीआर परीक्षणका लागि कर्णाली स्वास्थ्य विज्ञान प्रतिष्ठान जुम्ला पठाइएको थियो। स्वाव परीक्षण पश्चात कोरोना संक्रमणबाट उनको मृत्यु भएको पुष्टि भएको हो।
कोरोना भाइरस संक्रमणको कुनै लक्षण नदेखिएका उनले बिहान चिया बिस्कुट खाएको बताउँदै नगर प्रमुख भण्डारीले एक्कासी मृत्यु भएको बताउनुभयो।
उनीसहित ७९ जना १० दिनअघि भारतको गुजरातबाट फर्किएका थिए।
